काठमाडौं, १४ साउन । अफ्रिकी मुलुक जिम्बाबेमा नयाँ राष्ट्रपति चयनका लागि निर्वाचन हुँदैछ । नयाँ राष्ट्रपति चयनका लागि आज हुन लागेको निर्वाचनको पूर्वसन्ध्यामा पत्रकार सम्मेलन गर्दै पूर्वराष्ट्रपति रोबर्ट मुगाबेले आफ्नो दल जानु–पिएफले उठाएका उम्मेदवारलाई समर्थन गर्न नसक्ने बताएका छन् ।

९४ वर्षीय मुगाबेले आफूलाई राष्ट्रपतिबाट हटाउने नेता वर्तमान राष्ट्रपति एमर्सन नान्गागावालाई समर्थन गर्न नसक्ने स्पष्ट पारेका हुन् ।नान्गागावाको मुख्य प्रतिस्पर्धीका रुपमा विपक्षी दलका नेता नेल्सन चमिया मैदानमा उत्रनु भएको छ ।पूर्वराष्ट्रपति मुगावेले राष्ट्रपतिमा उम्मेदवार भएकाहरु कसैलाई पनि समर्थन गर्न नसकिने भए पनि विपक्षी दलका नेता नेल्सन चमियालाई भने शुभेच्छा व्यक्त गरेका छन् ।

उनले जिम्बावेको भविष्य र मतदानप्रति जिम्बाबेली कौतुहलताका साथ रहेको र मतदानले सक्षम नेतृत्व छान्ने विश्वास गरे ।मुगावेले लामो समयदेखि आफ्नो सहयोगीका रुपमा रहेका तथा वर्तमान राष्ट्रपति एमर्सन नान्गागावाको विपक्षमा उभिनुलाई आश्चर्यका रुपमा हेरिएको छ ।

जिम्बाबेमा अहिले पनि मुगाबे लोकप्रिय मानिन्छन् ।उनले समर्थन गरेका उम्मेदवारले नै जित हात पार्ने विश्वास गरिन्छ । मुगावले जिम्बाबेमा ३७ वर्षसम्म सत्ता सञ्चालन गरेका थिए ।पूर्व राष्ट्रपति रोबर्ट मुगाबे पदबाट हटेपछि जिम्बाबेमा पहिलोपटक निर्वाचन हुन लागेको हो ।

प्रतिकृया दिनुहोस

सम्बन्धित समाचार