दाङ, २७ जेठ । जिल्लाका पत्रकारहरुले क्रिकेट खेलका नियम र समाचार लेखनको अभ्यास गरेका छन् ।

प्रेस चौतारी दाङ र प्रेस सेन्टर दाङले दाङ क्रिकेट संघको प्राविधिक सहयोगमा शनिबार घोराहीमा गरेको पत्रकारका लागि क्रिकेट खेल समाचार लेखन तालीमका सहभागी पत्रकारले अभ्यास खेल खेल्दै समाचार लेखेका थिए ।

क्रिकेटको अभ्यास, समाचार लेखन र नियमका बारेमा दाङ क्रिकेट संघका अध्यक्ष प्रदीप मजगैया, सल्लाहकार किशोरचन्द्र गौतम र खेल शिक्षक देवेन्द्रसिंह ठकुरीले प्रशिक्षण दिए ।

“जिल्लामा क्रिकेटप्रति आकर्षण वृद्धि गर्न सञ्चारमाध्यमको महत्वपूर्ण भूमिका छ, खेलका केही प्राविधिक कुराहरु राम्रोसँग नबुझ्दा समाचारमा त्रुटिसमेत देखिने गरेको छ । यसलाई यो तालीमले चिर्ने काम गरेको छ”, दाङ क्रिकेट संघका अध्यक्ष मजगैयाले भने । घोराही उपमहानगरपालिकाका प्रमुख नरुलाल चौधरीले खेलकूदको विकासका लागि उपमहानगरपालिकाले विशेष पहल थालेको बताए ।

प्रतिकृया दिनुहोस

सम्बन्धित समाचार